L'attività politica risulta stimolante anche per il poeta.
Di seguito qualche componimento ....goliardico.
‘U Consigliere
14-2-2007
Di quannu m’hanno eletto a ru consiglio comunale de Cusenza
parecchi i chiri ca truovo ‘ntra sala consiliare du cumune
mi parano sempre cchiù accorti ara forma e ara parvenza,
ca no ad amministrà a città e tutte i sua pirsune.
Mi dispiace ca’ ntra su granne calderone
a gente i sa città ni vida tutti uguali,
e a nulla serva u primato i “ l’interrogazione”
si pù divento puru io, cumu all’atri, nu jugali.
Ma mo basta. Finiscimula ccu sa mancanza di decoro.
Unn’è possibile ca puru io, c’a matina vaju aru travaglio,
ai passà comu unu c’aru comune s’è fatto nu lavoro
e si nu iuorno fatiga è sulu ppì nu sbaglio.
I cosentini hanni i sapì ca un simo fatti tutti curu stampo,
ca io penso ari problemi, quannu si vidano e quannu su nascosti,
ca interrogo, mi incazzo, mi muovo a tutto campo
e unn’appartengo a sa combriccola i faccituosti
A su club rinomato, nato all’ombra del castello,
si trasa sulu si sì arrogante e senza n’ideale,
si sì in grado di piglià ppù culu anche nu fratello,
a patto che ti vota ad ogni tornata elettorale.
Aru cusentino speriamo ca sa poesia li serva di lezione,
ca curi chiacchere un si po’ illuda chi ni stà untuorno,
ci vò sudure, accanimento e pure dedizione,
e ca sa morale vala sempre …ogni iuorno.
Re Marcone
‘U juorno du sponsale
6-12-2008
Sta arrivannu, sciuoddru mia, u momentu de na vita
Al San Vito de Cusenza pochi juorni ed è ….”partita”
Da tensione nun ti dico… para ‘u juorno du sponsale
Ma s’unione ancunu dicia po finiscia puru male
Io però a sa cridinza nun ci crido, arrassusia!
Lupacchiotti ed aquileddre un si muzzicano, cridi a mia
Fossa proprio di jugali si minare dintr’u mussu
E strazzati cumu simo mo cci vò puru su lussu
Figlici, sentite a mia, nun pinsamo ara vendetta
Ppe na vota buggeramo chi i palate i nua s’aspetta
Cattanzaro e Cusenza figli su i na sula terra
E chi goda di sa liti cchiù ca a pace .. vo ra guerra
Sergio Nucci